e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mantogna Marca, a  Maranta, Edgar * 9-1-1897 a Poschiavo, † 29-1-1975 a Sursee/LU, cat., da Poschiavo. Figl da Riccardo, cusunz ed organist, e da Catarina n. Rada. Suenter il gimnasi tar ils chaputschins ad Appenzell e Stans è el entrà il 1917 en l'urden a Lucerna. Ordinà sacerdot 1924, missiunari en Tansania 1925. Suenter ina furmaziun en la gestiun da scolas a Londra 1927-28 ha el dirigì in institut a Kwiro (Tansania). Vicari apostolic da Dar es Salaam (Tansania) en successiun da l'uv. Gabriel Zelger ed uvestg il 1930; il 1953 è el vegnì elegì archuvestg. M. ha fatg construir numerusas baselgias, scolas ed ospitals. Suenter il Segund Concil vatican ha el presidià la conferenza dals uvestgs da Tansania, e suenter sia demissiun il 1969 è el returnà en Svizra.   </p> Archiv: Aprov. dals chaputschins svizzers, Lucerna. Ovras: Funtaunas: Litteratura: C. Schweizer, Minderbrüder mit Inful und Stab für Bistümer in der Schweiz, en: Helvetia Franciscana, 24/1995, 25; L. Maranta, Cento anni fa nasceva l'Arcivescovo Edgaro M. (1897), en: AGI, 79/1997, 18-21. Christian Schweizer  Mantogna Marca, a  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: