e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vermunt Versomi  Versell, Walter * 24-1-1891 a Cuira, † 1-5-1989 a Cuira, ref., da Cuira e Roten. Figl dad Anton, fravi da ferrera, pli tard schef da la polizia da la citad da Cuira, e dad Elisabeth Rudolfine n. Eggenstein. &#8734; Martha Hasler, figlia dad Eugen, commerziant da victualias. Inschigner da construcziun diplomà a la SPF da Turitg. Secretari da la Federaziun dal Rain per la regiun dal Rain dal Grischun e da S. Gagl 1918-36. Agen biro d'inschigneria a Cuira 1925-45. Dal 1945-59 è V. stà responsabel, sco inschigner per l'economia d'aua dal chantun Grischun, per grondas ovras idraulicas. El è stà activ en ils pli differents champs: uschia ha el p.ex. construì la punt sur il Rain Anteriur a Tavanasa (1928) e la halla da martgà a Cuira (1934). Il 1947 ha el lantschà l'idea dal lai da fermada Val da Lei sco cumpensaziun per l'ovra idraulica contestada a Spleia ed ha sviluppà il 1951-60 (ens. cun l'inschigner chant. superiur, Abraham Schmid) il project dal tunnel da via dal S. Bernardin.</p> Archiv: ASGR, relasch. Ovras: Funtaunas: Litteratura: E. Brun, Die Fam. V. - drei Generationen Bergbau und Schmiedetradition, en: Bergknappe, 1983, nr 23, 21-25. Jürg Conzett  Vermunt Versomi  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: