e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bärtsch, Konrad Baselgia, Caspar  Barwirsch, Josef Franz * 16-2-1900 a Kirchberg am Wechsel (Austria Inferiura), + 27-6-1985 a Baden bei Wien, cat., da Vienna e, dapi ils 23-11-1931, da Ferrera en Alvra. &#8734; Martha Marie n. Henkel. Dr.iur. Il 1924 è B. sa domicilià a Tavau per curar la malsogna dal lom. El è stà per curt temp voluntari tar Moses Silberroth (relaschà il 1927). Il 1928 ha el acquistà la patenta d'advocat grischuna, alura è el stà durant trais onns advocat a Tavau. B. è stà preschent publicisticamain en il BT ed en la «Davoser Zeitung». Durant la Segunda Guerra mundiala ha el prestà davent da Tavau servetschs da spiunadi en favur da la Germania. Il dec. 1945 è el vegnì condemnà da la Dretgira chant. grischuna sco traditur a 20 onns praschun. Il 1954 è el fugì dal sanatori Walenstadtberg en l'Austria. Il 1946 è prorutta en la pressa ina virulenta polemica tr. partidas e persunas (Moses Silberroth cunter Andrea Engi) concernent las tenutas politicas durant la guerra e la dumonda tgi che haja mess quest "ov da cucu" («Neue Zürcher Zeitung», «Neue Bündner Zeitung») en il gnieu grischun, v.d. concedì a B. la patenta d'advocat grischuna e tgi che haja pussibilità (polemicamain: "commess") sia natiralisaziun. L'Affera B. (numnada era Barwirschiada) ha terminà avant dretgira e cun la nunreelecziun da Silberroth sco deputà da Tavau en il Cussegl grond (1947). <br /><br /></p> Archiv: Ovras: Funtaunas: Litteratura: M. Silberroth, Josef Franz B. (1927-1946). Dokumente, statt Legenden, 1946; W. Bundschuh, "Gau Schweiz - Anschluss erwünscht". Der Fall Josef Franz B., 1993, en: Allmende, 13/1993, nr 38/39, 189-202; T. Peterhans, Politische Säuberungen in Graubünden, en: BM, 2006, 307-42. Adolf Collenberg  Bärtsch, Konrad Baselgia, Caspar  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: