e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Libertad Liechtenstein, Principadi da  Lichtenstein, von Famiglia nobla, preschenta a partir dal 1180 en la regiun da Cuira cun Heinrich che abitava en il chastè da L. sper Lantsch Sut. Il 1220 èn doc. Rüdiger I e Rüdiger II sco perditgas ens. cun ils signurs von Aspermont ed ils von Flums, ed il 1263/64 Hermann ens. cun ils von Flums ed ils von Tils (da Mels). Il chavalier Ulrich († 1275) è menz. pliras giadas sco testimoni tr. il 1260 ed il 1274, il 1266 sco garant per Walther V de Vaz. Il 1271 ha el mess a disposiziun sia chasa a Cuira per in inscunter tr. l'uv. da Cuira e l'avat da Faveras. Ulrich ha legà tut ils feuds ecclesiastics al chapitel catedral da Cuira. Rudolf, il davos represchentant da la fam., è doc. tr. il 1275 ed il 1282 sco canoni da quest chapitel. Il 1386 era il chastè da L. anc abità dals von Haldenstein, ma il 1494 era el gia en ruina. La parentella dals L. cun ils Haldensteins vegn presumada, ella n'ha dentant mai pudì vegnir cumprovada. <br /><br /></p> Archiv: Ovras: Funtaunas: Litteratura: GHS 2, 147-233; G. Lütscher, Geschichte der Gemeinde und Freiherrschaft Haldenstein, 1964 (1995²); Clavadetscher/Meyer, Burgenbuch, 301 s.; Simmen, Wappen, 169 s. Jürg Leonhard Muraro  Libertad Liechtenstein, Principadi da  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: