e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Torre, Reinher da Tortura  Torriani, Vico * 21-9-1920 a Genevra, † 26-2-1998 ad Agno, da Suogl. Figl da Vittorio, magister d'ir a chaval e da skis, e da Clara Helena n. Bensegger, da S. Gagl. &#8734; 1) Raymonde Jacqueline n. Serex, figlia dad Ernest Georges, da Maracon/VD, 2) 1955 Eveline Josefine n. Guentert, figlia da Paul, da la Germania. Suenter in emprendissadi en l'hotellaria ha T. emprendì durant il servetsch activ sin via autodidactica a sunar la ghitarra e l'orgelet da bucca. Il 1950 ha el registrà ses emprim disc ed ha giugà il 1951 l'emprima giada ina rolla en in film. Cun 27 da sias chanzuns è el arrivà tr. il 1957 ed il 1964 al punct culminant da sia carriera da chantadur, en la Parada da hits. A partir dal 1959 ha el moderà cun success emissiuns da televisiun sco «Grüezi Vico», «Hotel Victoria» e «Der goldene Schuss» (la davosa per il ZDF). T. è stà in artist poliglot; el chantava en pliras linguas ed ha registrà discs tr.a. cun chanzuns tud., tal., franz., spagn. e rumantschas. Il 1976 ha el dà in comeback cun schlagers populars. Pli tard è el era sa preschentà sco cuschinier a la televisiun ed ha publitgà cudeschs da cuschinar. En ils onns 1990 è el sa retratg dal showbusiness.</p> Archiv: Ovras: Funtaunas: Litteratura: R. Strobel, W. Faulstich, Show- und Gesangstars, 1998. Gabriela Schöb  Torre, Reinher da Tortura  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: