e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vuclina Vulpius  Vulpera Fracziun da la vischnanca polit. da Tarasp, vitg d'hotels e lieu da cura da bogns cun pliras funtaunas mineralas. L'oriunda culegna da purs, resortida d'in bain medieval, era sco part dal signuradi da Tarasp (1464-1803) en possess austriac. La chaplutta cat. da S. Jon Battista deriva dal 1826. Cun l'utilisaziun da las auas mineralas, iniziada suenter il 1850, èn vegnids averts plirs albierts. A partir dal 1880 han Caspar e Duri Pinösch acquistà terren per la construcziun d'hotels pli gronds (1896-97 Waldhaus, incendià il 1989; 1898-1900 Schweizerhof, engrondì il 1912-13; 1902 Villa Engiadina). V. ha vivì ina fluriziun fin a l'Emprima Guerra mundiala ed è sa remess mo plaun da la crisa subsequenta. L'implant da golf è vegnì erigì il 1925, il bogn al liber il 1930. A partir dal 1980 è sa sviluppada ina parahotellaria; ils vegls hotels èn s'orientads pli e pli al turissem da sport d'enviern. Il nov viadict V.-Scuol è vegnì avert il 2010.</p> Archiv: Ovras: Funtaunas: Litteratura: J.T. Stecher, Die Mineralquellen von Tarasp, 1990². Paul Eugen Grimm  Vuclina Vulpius  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: