e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Architectura Archivs  Archiv svizzer da litteratura (ASL) Il scriptur Friedrich Dürrenmatt (1921-1990) ha testamentà il 1989 ses relasch litterar a la Confed. svizra cun la resalva ch'i vegnia fundà in ASL. Quel è alura vegnì avert il 1991 a Berna. L'ASL rimna en las quatter linguas naz. svizras doc. e material che sa refereschan a la Svizra, e quai cun l'accent sin il 20. tschientaner. I sa tracta da notizias e sbozs per ovras, manuscrits dad ovras, correspundenzas, diaris, artitgels da gasettas, litteratura secundara scientifica, cudeschs, purtaders da tun, cassettas da video, fotografias, picturas e dissegns grafics sco era objects persunals. L'ASL cumpiglia oz var 100 relaschs pli  gronds e dapli che 120 collecziuns e relaschs parzials che pon vegnir emprestads gratuitamain per lavurs e studis scientifics, litterars u publicistics. La litteratura rum. è represchentada (fin il 2008) cun ils relaschs da Cla Biert, Reto Caratsch, Gion Deplazes, Gian Fontana, Margarita Gangale-Uffer, P. Alexander Lozza, Andri Peer, Jon Semadeni e Hendri Spescha.</p> Archiv: Ovras: Funtaunas: Litteratura: Adolf Collenberg  Architectura Archivs  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: