e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pedolin, Nutin Pedretti, Gian  Pedretti, Erica * 25-2-1930 a Sternberg (Moravia dal Nord), evang.-luterana, burgaisa da la Tschechia, da Schlarigna (1952) e da Maton (1971/72). Figlia da Hermann Schefter, fabricant e scriptur, e da Margarethe n. Gröger. &#8734; 1952 <elirlink href="aid:1775">Gian</elirlink> P. Gimnasi a Sternberg, Scola d'art applitgà a Turitg. Il 1945 è P. fugida en Svizra, il 1950 è ella sa domiciliada a New York, nua ch'ella è stada dus onns aurera ed argientera. Return en Svizra 1952 sco scriptura ed artista figurativa (sculptura), domiciliada enfin il 1972 a Schlarigna, alura a La Neuveville/BE, ma cun in atelier secundar a Schlarigna. Autura da gieus auditivs ed emissiuns da radio. La biografia, en la quala cuntrasteschan regurdanzas stgiras da l'uffanza cun ina vita apparentamain sauna en Svizra, ha marcà sia entira ovra. D'impurtanza fundamentala è il roman «Valerie oder Das unerzogene Auge» (1986), en il qual l'autura ristga da dar in'egliada sin il mund deliberà da normas. Il stil da P. è determinà d'ina malsegirezza palpanta e da la difficultad da formular regurdanzas vulnerantas. Numerus premis, p.ex. Prix Suisse 1970, Premi Schiller 1975, Premi Ingeborg Bachmann 1984, Premi da Berlin &amp; Medaglia da Bobrovski 1990, Premi grischun da cultura 1999.</p> Archiv: ASL. Ovras: Harmloses, bitte, 1970; Ils trais sudos (Die drei Soldaten), cudesch da maletgs cun 15 intagls da linol colurids, 1971 (text da la chanzun populara «I d'eiran trais sudats chi gnivan da la guerra»); Engste Heimat, 1995; Kuckuckskind, oder, Was ich ihr unbedingt noch sagen wollte, 1998; Heute. Ein Tagebuch, 2001. Funtaunas: Litteratura: Literaturlexikon 9, edì da W. Killy, 1991, 107 s.; BLSK, 807; Esther Krättli tar Erica P. [film da TvR], reschia: S. Fanzun, 2007. Corinna Jäger-Trees  Pedolin, Nutin Pedretti, Gian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: