e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Maissen, Augustin
* 18-1-1921 a Glion, † 21-5-1992 a Glion, □ a Lake Badus (Dakota dal Sid), cat., da Sumvitg e burgais dals Stadis Unids (1957). Nubil. Figl dad Augustin, fabricant da laina, e dad Anna n. Cahannes, da Breil. Frar da <elirlink href="aid:1585">Flurin</elirlink> e dad <elirlink href="aid:1582">Alfons</elirlink>. Gimnasi a Mustér, stud.fil. a Berna, Genevra e Friburg, dr.fil 1949 («Inschriften, Ornamentik und Meister des Bauernhauses in der Surselva»), alura studis d'englais a Londra ed en ils Stadis Unids. Magister da linguas a Sacramento (California) 1953-57, diplom da <em>magister artium</em> en filologia spagn. a l'Univ. da Morelia (Mexico) 1957, magister da linguas modernas a l'Univ. da Williamsburg (Virginia) 1959-61. Suenter ulteriurs studis a Santiago de Compostela (Galizia), prof. da romanistica cumparativa a l'University of North Carolina a Chapel Hill (North Carolina). Conredactur (1963) da la «Revista retoromontscha» e confundatur (1969), ens. cun ses frar Flurin, da l'Institut per studis retoromontschs a Rumein. Suenter numerus segiurns en Rumania ha M. edì il 1980 l'«Antologia poetica romontscha» cun versiuns rumenas da Magdalena Popescu-Marin. Da giuven è el stà campiun universitar en pentatlon e comm. da la squadra naziunala.<br /><br /></p>
Archiv:
Ovras:
Bündner Baumeister und Künstler in den USA 1740 bis 1960, en: BT, 23-12-1959; Die Landrichter des Grauen Bundes, 1424-1799, 1990.
Funtaunas:
Litteratura:
Disentis, 1992, nr 3, 71.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Maissen, Alfons