e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pestalozzi [Pestaluz], César Hippolit von Pestga  Pestalozzi [Pestaluz], Herkules von * 1683, † 1751 en Moravia, ref., da Luzein. Figl da Johann Anton, mastral, e dad Anna Magdalena n. Sprecher von Bernegg, da Luzein. Biadi da Heinrich Sprecher von Bernegg, guvernatur en Vuclina. Nubil. P. è entra cun 19 onns sco litinent chapit. en l'emprim batt. da Johann Anton Buol en servetsch imperial austr., dal 1708-16 cun in'atgna cumpagnia. Suenter il 1716 è el stà activ en il regiment Lothringen, engaschà en trais campagnas cunter ils Tircs. Il 1720 è el daventà maior. Sco col. (dapi il 1734) ha el manà quel regiment en la Guerra da successiun polaca. Il 1739 è P. vegnì numnà da Carl VI barun imperial, ed il 1740 è el avanzà al maior general. Dal 1742-44 è el stà cumandant en las trais campagnas militaras da Carl VII (Guerra da successiun austr.), il 1744 sco feldmarschal litinent. Il 1746 è el vegnì blessà en la battaglia a Piacenza ed ha alura obtegnì in commando (titular) en Moravia ed ina pensiun da 4000 flurins.</p> Archiv: Ovras: Funtaunas: Litteratura: Sprecher/Jenny, Kulturgeschichte, 241, ann. 20; H. Pestalozzi-Keyser, Geschichte der Familie P., 1958. Adolf Collenberg  Pestalozzi [Pestaluz], César Hippolit von Pestga  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: