e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bovas Bovollino [Bavolin, Bonalin], Martino  Bovelin, Melchior * stad 1777, † 29-3-1842 a Bever, cat., da Ragaz/SG (oz Ragaz Bogn). Uffant chattà en la proprietad da Bovel sper Ragaz, da la quala el ha obtegnì il num. Scola claustrala a Faveras, emprendissadi d'apotecher a Malans. Suenter avair absolvì l'examen d'apotecher a S. Gagl (1804), ha B. fatg plirs vadis pli lungs. Sco apotecher a Faveras, pli tard a Ragaz, ha el interprendì pliras excursiuns botanicas en las muntognas vischinantas ed ha elavurà in erbari. Il 1820 ha el avert in'apoteca a Bever (l'emprima en Engiadina). El è sa deditgà a studis botanics, zoologics e meteorologics ed ha producì remedis farmaceutics cun ervas indigenas. La grifla da Bovelin (P<em>hyteuma bovelinii</em>) ed il bau da Bovelin (C<em>ychrus bovelinii</em>) èn numnads tenor el.<br /><br /></p> Archiv: Ovras: Funtaunas: Litteratura: C. Camenisch, Der erste Engadiner Apotheker, en: Engadiner Post, 14-8-1952; Festschrift zum 150jährigen Bestehen des Schweizerischen Apothekervereins, edì da F. Ledermann, 1993, 52 s. François Ledermann  Bovas Bovollino [Bavolin, Bonalin], Martino  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: