e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Nussberger, Gustav Nussio, Remigio  Nussio, Otmar * 23-10-1902 a Grosseto (Toscana), † 22-7-1990 a Ligiaun, da Brüsch ed Ardez. Figl da Jachen, directur d'in negozi da colonialas, e dad Anna n. Schucan, da Ftan. &#8734; 1935 Bertha Martha n. Escher. Scolas elementaras a Genua ed a Reggio Emilia 1908-14, scolas superiuras ad Aschera 1914-19, alura studi da flauta al Conservatori Giuseppe Verdi a Milaun (diplom 1921) e da cumposiziun a l'Accademia di Santa Cecilia a Roma (diplom tar Ottorino Respighi 1925 ). A partir dal 1936 ha N. instruì flauta al Conservatori da Turitg. Dal 1938 al 1968 ha el dirigì l'orchester ed ils programs da musica dal Radio della Svizzera italiana. N. è stà fundatur (1935) e directur artistic (fin il 1966) dals Giovedì musicali (pli tard Concerti di Lugano). Sias atgnas cumposiziuns èn restadas colliadas, cun excepziun da paucs elements moderns, a las furmas tradiziunalas ed a concepziuns descriptivas. Cun «Vita ticinese» (1941) ed il ballet «La filatrice e il mercante», represchentà il 1958 a la Saffa a Turitg, ha N. contribuì al gener dal gieu festiv. El ha obtegnì numerusas distincziuns.<br /><br /></p> Archiv: Ovras: Suoni e fortuna, en: Rivista di Lugano, 1984-85 (autobiogr.) Funtaunas: Litteratura: G.P. Pedrazzi, 50 anni di Radio della Svizzera italiana, 1983; F.A. Vitali, Radio Monte Ceneri, 1990; C. Piccardi, M. Zicari, Un'immagine musicale del Ticino, 2005. Olivier Bosia  Nussberger, Gustav Nussio, Remigio  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: