e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Plattner, Placidus Andreas
*1-5-1904 a Cuira, † 8-5-1975 a Basilea, cat., da Vaz Sut. Figl da <elirlink href="aid:1858">Hermann Placidus</elirlink>. Frar da <elirlink href="aid:1859">Joseph</elirlink>, <elirlink href="aid:1859">Felix</elirlink> e da Paul, medi e psichiater. ∞ 1932 Elly n. Bernhard, giurista, figlia da Carl, librari. Studi da chemia a las univ. da Friburg, Genevra e Berna 1924-29, promoziun a Berna 1929. Chemicher perscrutader tar Givaudan a Vernier 1929-37. P ha lavurà cun Alexander Pfau vi dals sesquiterpens ed azulens, scuvrind il 1935 l'azulen, ina cumposiziun carbonica ciclica isomerica dal naftalin. Pli tard è el reussì per l'emprima giada da sintetisar azulens. Dal 1937 al 1952 ha P. lavurà - interrut d'ina curta activitad tar la Ciba a Basilea - a la SPF da Turitg, l'emprim sco collavuratur da Leopold Ruzicka, alura sco docent privat (1941), prof. titular (1942) e prof. eo. da chemia organica (1945). Sias retschertgas han influenzà profundamain il concept modern d'aromaticitad. El ha stabilì l'uschen. regla da P. per l'interpretaziun dals spectrums d'absorpziun dals azulens. El è s'occupà ultra da quai da terpens, substanzas da sfluriziun, ormons ed antibioticas. Il 1952 è P. daventà comm. da la direcziun da Hoffmann-La Roche a Basilea e responsabel dal sectur da perscrutaziun da l'entir concern ch'el ha modernisà ed amplifitgà. Dr. h.c. da l'Univ. da Berna (1965) e da la SPF da Turitg (1966).</p>
Archiv:
Ovras:
Funtaunas:
Litteratura:
Helvetica Chimica Acta, 60/1977, 2109-2121.
Hans-Jürgen Hansen
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Plattner, Placidus