e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vieli, Balzer Antoni Vieli, Gieri  Vieli, Francesco Dante * 19-9-1883 a Roveredo, † 8-12-1976 a Berna, cat., da Val. Figl da Pietro e da Maria Angela n. Balestra. &#8734; 1920 Anna Berta n. Liechti, da Signau, figlia da Samuel, scolast. Suenter las scolas a Roveredo e Milaun, ha el fatg il licenziat en filologia a l'Univ. da Friburg cun ina lavur da doctorat davart Giacun Hasper Muoth. Traductur ed alura chau dal secretariat da lingua tal. tar la Chanzlia fed. a Berna, a medem temp activitads litteraras e perscrutaziuns istoricas; fin il 1930 ha el publitgà novellas en l'«Almanacco del Grigioni italiano». Cunautur da l'antologia «Scrittori della Svizzera italiana» (1936) e confundatur da la periodica «La voce dei Grigioni» (1921-26). V. è daventà enconuschent cun la «Storia della Mesolcina» (1930) per la perioda tr. il 1200 ed il 1907, ch'el ha scrit sin la basa da retschertgas en archivs publics e privats.</p> Archiv: Ovras: Funtaunas: Litteratura: Il San Bernardino, 1976, nr 80, 50; QGI, 46/1977, 72 s. Fernando Iseppi  Vieli, Balzer Antoni Vieli, Gieri  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: