e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brügger, Johann V Brun, Hans  Bruggmann, Paul * 10-5-1913 a S. Gagl, † 11-5-1994 a Cuira, cat., da Degersheim/SG. Figl da Josef, pres. da l'Associaziun centrala da la Cassa da malsauns ed accidents cristiansociala. &#8734; 1944 Elisa n. Kälin. Scola elementara a Lucerna, emprendissadi d'installatur da stgaudaments e d'indrizs sanitars a Tavau. Magister a la scola professiunala a Casti (en uffizi secundar). Confundatur da la PCS dal Grischun 1936. Secretari sindical a partir dal 1944, secretari da la PCS e redactur da la «Bündner Hochwacht» a Cuira. Comm. da la suprastanza centrala da la Cassa da malsauns ed accidents cristiansociala da la Svizra (oz CSS Assicuranza) a partir dal 1947. B. è stà blers onns comm. dal cussegl da la citad da Cuira (pres. 1956). Comm. dal Cussegl grond 1945-77, cuss. naz. da l'avr. fin il nov. 1959. Sco politicher social è el s'engaschà o.t. per la construcziun d'abitaziuns socialas, per l'assicuranza sociala e per las scolas spezialas.<br /><br /></p> Archiv: Ovras: Die Christlichsoziale politische Bewegung in Graubünden 1936-1971, ms., 1990 (BCGR). Funtaunas: Litteratura: BJb, 1995, 165 s. Adolf Collenberg  Brügger, Johann V Brun, Hans  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: