e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bundi, Balthasar Bundi, Jakob  Bundi, Gian * 26-10-1872 a Berlin, † 26-12-1936 a Berna, ref., da Sagogn e da Bever. Figl da Christian Georg, pastizier a Berlin, e da Catharina n. Giovanoli. Il 1879 ha B. translocà a Stettin, nua ch'il bap aveva cumprà la furnaria ed il café da la fam. Jenny da Bever. Scola fundamentala e gimnasi a Stettin, studis da filologia, istorgia e giurisprudenza a Göttingen, Jena e Heidelberg, alura a Turitg (1895-97) e Berna (1897-99). Redactur dal «Freier Rätier» a Cuira 1900 e da «Der Bund» a Berna a partir dal 1901. Publicaziun dals «Tschentaments della vschinauncha da Bever nel 16avel secul» (1903) e da las «Parevlas engiadinaisas» 1901-06 (tud., 1. part, cun illustraziuns da Giovanni Giacometti, 1902). Autur da librets d'opera, tr.a. «Die schöne Bellinda» (musica da Hans Huber, 1916). Il 1935 èn cumparids ses «Märchen aus dem Bündnerland» (cun illustraziuns dad Alois Carigiet).<br /><br /></p> Archiv: Ovras: Parevlas engiadinaisas, en: Annalas 15/1901, 215-47; 16/1902, 337-53; 18/1904, 269-98; 20/1906, 133-63. Funtaunas: Litteratura: E. Tung, Gian B., en: Annalas, 52/1938, 176-78; P.A. Parli, Gian B. - Märchenerzähler oder Operndichter?, en: TG, 1989, nr 1, 58-60; LTS, 301; LQ, 1-10-2007. Martin Bundi  Bundi, Balthasar Bundi, Jakob  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: