e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Clemente da Brescia Cleric, Stephan von  Cleric Schlatta ref. da notabels da las Trais Lias a Cuira. La fam. <em>de <span style="color: red;">Cleric</span>is</em>, originara da Lomazzo (Lumbardia), è vegnida natiralisada il 1357 a Com e nobilitada tras l'imp. Carl IV il 1369. In tschert Martin da C. è fugì da l'Inquisiziun a Turitg, nua ch'el è sa convertì a la cretta refurmada. Il 1568 è el sa laschà natiralisar a Cuira. Il 1662 è vegnì elegì ses biadi Martin burgamester da Cuira, daventond qua tras chau da la LCD 1662-63. Ils C. èn s'alliads tras maridaglia a las fam. dominantas da Cuira. Els han occupà ils uffizis principals da la citad, han mess tr. il 1662 ed il 1785 trais burgamesters resp. chaus-lia (Martin bab e figl e <elirlink href="aid:646">Stephan</elirlink>), numerus uffiziers activs en servetschs esters ed in landamma a Glaruna (Anton). Gia en il 17. tsch. ha Camill empruvà da far l'impressari cun ina tenscharia da saida e cun in taler da posamentaria. En il 19. tsch. cumparan a Cuira comm. da la fam. sco cussegliers da la citad, maiors e giurists. La residenza da fam. en il Sand a Cuira è vegnida demolida il 1961.</p> Archiv: ASGR, relasch C. Ovras: Funtaunas: Litteratura: Schweizerisches Geschlechterbuch 3, 1910, 98 s.; Simmen, Wappen, 59, 282. Max Hilfiker  Clemente da Brescia Cleric, Stephan von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: