e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cadenath, Johann Luzi de Caderas, Johann Placidus  Caderas, Gian Fadri * 13-7-1830 a Modena, † 25-11-1891 a Samedan, ref., da Ruschein e Luven. Figl da Gian, commerziant, e dad Anna Chatrina n. Schech. Emprendissadi da commerzi a Modena, alura impiegà en fatschentas ladinas a Modena, Bologna e Casale Monferrato (Piemunt). Il 1856 è C. turnà en l'Engiadina, nua ch'el è stà emploià da banca a S-chanf fin il 1875, alura proprietari d'ina agenzia d'assicuranzas a Samedan. Redactur da la revista «Il Progress» 1872-73 e da la gasetta «Fögl d'Engiadina» 1880-91. Liricher melanconic e sentimental, poet da la natira e da l'encreschadetgna, influenzà da la romantica europeica. Autur, tr. il 1849 ed il 1857, da poesias en tal. (betg publitgadas) e da lirica rum. (en puter), publitgada en «Rimas» (1865), «Nouvas Rimas» (1879), «Fluors Alpinas» (1883) e «Sorrirs e Larmas» (1887). C. ha era scrit div. novellas (p.ex. «Il preschuner da Fuentes», 1862-63) e translatà lirica europeica, tr.a. da Friedrich Schiller, Johann Wolfgang von Goethe, Ludwig Uhland, Alfred de Musset e Henry W. Longfellow.<br /> <br /><br /></p> Archiv: Ovras: BR, nrs 811-21. Funtaunas: Litteratura: Bezzola, Litteratura, 360-70; Deplazes, Funtaunas 3, 64-69. Clà Riatsch  Cadenath, Johann Luzi de Caderas, Johann Placidus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: