e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Cadruvi, Donat
* 19-9-1923 a Schluein, † 1-3-1998 a Glion, cat., da Ruschein. Figl da Pieder, scrinari, e da Nesa n. Bergamin, scolasta da lavur a maun. ∞ Eugenia n. Sonder, da Suagnign, figlia da Peder, giurist a Cuira. Commerziant fin il 1942, alura matura sin segunda via. Stud.iur. a Friburg 1948-52, dr.iur. 1952 («Die Gemeindelöser nach bündnerischem Recht»). Secretari ed actuar da la Dretgira chant., derschader 1959-63. Advocat a Glion a partir dal 1955. Mastral dal cumin da la Foppa 1957-61, pres. da la citad da Glion 1975-78. Comm. dal Cussegl grond 1957-65 e 1967-71. Pres. da la Partida populara cons. e cristiansoc. (PPconsCS, dapi il 1971 PCD) 1964-68. Cuss. naz. 1963-71, cuss. guv. 1979-88 (Dep. da construcziun e selvicultura, pres. 1981, 1985 e 1988). C. è stà il davos exponent ierarchic, dominant e contestà da l'uschen. Lavina nera existenta anc en ils onns 1980 o.t. en Surselva. Activitad schurnalistica intensiva en rum. e tudestg. Autur da prosa («Il socialist da Seglias», 1952), dramatica («La glisch della libertad», gieu festiv, 1978) e lirica («Fatschettas», 1985), intunada tr.a. da Gion Giusep Derungs (* 1932).<br /><br /></p>
Archiv:
Acom. Ruschein, relasch litt.
Ovras:
Funtaunas:
Litteratura:
Camartin, Gegenwartsliteratur, 25-44; Deplazes, Die Rätoromanen, 468-72; Deplazes, Funtaunas 4; Riatsch/Walther, Literatur und Kleinsprache; I. Winzap, Dr. Donat C.-Sonder, en: Cal. Rom., 1999, 402-19 (cun reg. d'ovras).
Jürg Simonett
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Cadotsch, Peder