e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Caduff, Cristian Caduff, Gian  Caduff, Geli [Julius] * 14-1-1824 (Nicolaus Fridericus Julius) a Schluein, † 11-3-1871 a Cuira. Figl da Julius Anton, directur da la posta chant. a Cuira, e da Wilhelmina n. Girtaner, da  Wintertur .  Pseudonim: Jörgenberg. Scola chantunala evang. a Cuira, alura studis da litteratura e d'istorgia a Losanna e da giurisprudenza a Göttingen 1843-44. Advocat a Cuira 1847-63, secretari da la chanzlia chant. 1863-66. Grond sportist, undrà il 1842 cun l'emprim tschupè d'arbagias federal. Magister gimnasial, arbiter a festas fed. da sport ed editur da litteratura per la promoziun dal sport. Translatur en rum. dals cudeschs da scola dad Ignaz Thomas Scherr per la 1.-4. classa (1856). Sco patriot lib. engaschà ha C. publitgà il 1866 in «Entwurf einer Neuen Bundes-Verfassung». En ses dus referats «Ueber Emancipation der Frauen» (1868) e «Die Trennung der Kirche vom Staate» (1869) sa manifesta el sco persuna fitg progressiva per ses temp. Autur da la collecziun da poesias «Aus der Schweiz» (1859, tud. e rum.) che cuntegna il famus poem «Nu' che in Svizzer sa tschentar seu pei sin seu terratsch... » (intunà da Hans Erni e Luzi Bergamin). In maletg dal temp dattan ils dus ciclus da viadi «Der Schyn» e «Piz Mundeun und Scopi» (1870). <br /><br /></p> Archiv: Ovras: Funtaunas: Litteratura: D. Cadruvi, Geli C. (1824-1871), en: Cal. Rom., 1998, 314-38. Gion Deplazes  Caduff, Cristian Caduff, Gian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: