e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Andeer [Ander], Johann Jüst Andrea, Silvia  Andiast Vischnanca polit., cirq. Rueun, distr. Surselva (avant il 2001 Glogn), situada a 1185 m lung la via sin la spunda sid dal Tödi. 765 <em>Andeste</em>, fin il 1943 uffiz. Andest. 1850 242 abit.; 1900 235; 1950 309; 2000 232. En il temp medieval dumbrava la vischnanca d'A. set singulas curts ed era colliada economicamain cun Vuorz. Enturn il 1200 ha ella appartegnì al domini dals Grünenfels, alura a quel dals Montalts, a partir dal 1378 al signuradi da Vuorz, dapi il 1472 a la claustra da Mustér. Dal 1429 fin il 1734 ha A. fatg part dal cumin da Vuorz, alura da quel da Rueun (cirquit dapi il 1851). Il 1461 è doc. per l'emprima giada la baselgia consecrada als ss. Giulitta e Quiricus. A. è stada unida ecclesiasticamain cun la vischnanca da Vuorz fin il 1526, alura è ella sa separada da quella vischnanca daventada refurmada ed è vegnida pastorada davent da Rueun (fin il 1628). Las litas confessiunalas cun Vuorz han durà fin viaden il 19. tschientaner. Il 1472 èn attestadas minieras en la Val dil Tschegn. Il 1966 ha la vischnanca tradiziunalmain purila cun aclas ed alps (2005 56% da las plazzas da lavur en il 1. sectur) terminà l'arrundaziun dal terren. A. ha entradas considerablas da la concessiun accordada a las OENO/NOK Glion. Dapi il 1972 participescha A. cun Breil e Vuorz a la Cuminanza da lavur telefericas e runals Péz d'Artgas. Part da la populaziun da lingua rum.: 1880 99%; 1941 98% (LM); 2000 85,8%/93,5% (ML/Lindic).<br /><br /></p> Archiv: Ovras: Funtaunas: Litteratura: Kdm GR 4, 280-83; Gem. GR, nr 5, 1981; Gem. GR, 2003, 18; R. Cadonau, A. e Vuorz, en: Annalas, 94/1981, 69-102. Adolf Collenberg  Andeer [Ander], Johann Jüst Andrea, Silvia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: