e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cama Camenisch  Camathias, Flurin * 6-3-1871 a Lags, † 3-2-1946 a Lags, cat., da Lags. Figl da Johann Christian e da Maria Anna n. Arpagaus, da Lags. Gimnasi a Mustér e Friburg, stud.teol. a Cuira. Plevon a Breil 1896-1917, Andiast 1917-34 e Siat 1934-46. Poet e translatur en surs., influenzà dal romanticissem tud. e dal classicissem neolatin. Autur d'in epos istorisant en rimas («Ils Retoromans», 1900), d'ina vita da sontg («La flur de Ramuosch», 1909), d'ina collecziun da legendas e paraulas "medievalas", versifitgadas ed integradas en in raquint («Historias dil Munt Sogn Gieri», 1916) e d'in gieu festiv istoric («La Ligia Grischa», 1924). C. ha scrit ultra da quai numerusas poesias, da las qualas ina tschientina èn vegnidas intunadas o.t. da Hans Erni e da Duri Sialm, singulas tr. a. da Gion Giusep Derungs (* 1932). El ha era translatà poesias liricas, cun preferenza d'auturs catalans e provenzals. Undrà cun il Curtin d'onur da la LG a Trun.</p> Archiv: Ovras: Ovras, edidas dad A. Maissen, 1971; BMVR (reg., 246); BR, nrs 923-46. Funtaunas: Litteratura: Bezzola, Litteratura, 436-40; Deplazes, Funtaunas 3, 162-65; LTS, 332. Clà Riatsch  Cama Camenisch  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: