e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Campell, Riet Campocologno  Campell [Campel, Chiampell], [de] Schlatta da chavaliers da la Tumleastga ch'ha prob. fundà enturn il 1200 la fortezza da <elirlink href="aid:168">Campell</elirlink> (vischn. da Seglias), da la quala ella è stada proprietaria fin en il 14. tschientaner. En l'urbari episcopal cumpara vers la fin dal 13. tsch. in <em>Egeno de Campelle</em>. Tenor ina notizia d'in urbari dal 1389, che menziunescha bains <em>"die vormals dero von Capell lehen warent"</em>, duain ils signurs de C. già esser morts ora en il 14. tsch. tardiv. Il 1418 han Hans e Lorenz obtegnì dals baruns de Razén in bain sco feud ereditar en Stussavgia, quai che cumprova che la schlatta era entrada en servetschs dals de Razén ed era daventada purila. <br />La pretensiun da l'istoriograf Durich Chiampell, tenor la quala las fam. noblas d'Ardez e da Susch, attestadas en l'Engiadina dapi il 15. tsch., derivian genealogicamain da la schlatta da chavaliers da la Tumleastga, è ipotetica e betg cumprovada. Il 1499 è attestà in <em>Gaudentz</em> sco anteriur landamma a Beiva/Stalla. A partir da l'entsch. dal 16. tsch. cumparan ils C. a Susch (1510 Durich) e Lavin. Da quel rom derivan l'umanist, refurmatur e cronist <elirlink href="aid:636">Durich Chiampell</elirlink> e Luzius Conradin (numnà Lüza, 1821-75), chapitani en la Guerra da la Lia separatista, possessur d'ina bieraria a Susch a partir dal 1860 e promotur da l'allevament da muvel brin e da l'explotaziun dal guaud. Ses figl <elirlink href="aid:510">Riet</elirlink> ha fundà il Museum Engiadinais a S. Murezzan, ses biadi Rudolf (1893-1985) era medi d'auta muntogna, alpinist a Puntraschigna e pres. central dal CAS 1941-43. Dad Ardez deriva il musicist <elirlink href="aid:509">Peider</elirlink>.<br /><br /></p> Archiv: ASGR. Ovras: Funtaunas: Litteratura: P. Schmid-Ammann, Ansprache anlässlich der Bestattungsfeierlichkeit von Peter C. [...], 1958; Clavadetscher/Meyer, Burgenbuch, 134-38; BJb, 1986, 148. Martin Bundi  Campell, Riet Campocologno  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: