e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Castelberg, Sebastian de
* ca. 1583 a Mustér, † 3-6-1634 a Rheinau/ZH, cat., da Mustér. Figl da Johannes, burser, e da Barbara n. von Planta-Zernez. Nev da segund grad da <elirlink href="aid:580">Cristian</elirlink> e da <elirlink href="aid:587">Sebastian</elirlink>. Stud.teol. a Dillingen (Baviera), Milaun e Paris. Ordinà sacerdot il 1610, alura plevon a Tujetsch. Il 1614 al ha affidà il cussegl da cumin da la Cadi la direcziun da la claustra da Mustér (consecrà avat a Nossadunnaun tras il nunzi Ludovico di Sarego). Sut la direcziun da C. è la claustra vegnida recepida en la Congregaziun benedictina svizra (fundada il 1602). C. è s'opponì cun success a las tentativas da refurmar la vita monastica, interprendidas da las claustras da S. Gagl e da Muri il 1618 ed il 1624. El è stà participà al Contract da Lindau dal 1622. Il 1631, suenter avair fatg naufragi sin il champ politic e militar, è el sa retratg en la claustra da Rheinau.<br /> </p>
Archiv:
Ovras:
Funtaunas:
Litteratura:
Poeschel, Castelberg, 185-215, 519; Müller, Abtei Disentis, 86-93; HS III/1, 501 s.
Ursus Brunold
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Castelberg, Sebastian de