e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cavelty, Luregn Mathias Caviezel, Anna Augusta  Caviezel Schlatta rum. fitg derasada, originara o.t. da las vals dal Rain Anteriur e Posteriur. Ils members d'in rom ref., translocads suenter la Refurma da Pitasch a Reschen (oz Ziràn-Reschen), han fatg fortuna suenter il 1750 sco pastiziers a Berlin, Lipsia ed Anklam (Mecklenburg-Vorpommern). Il 1826 ha <elirlink href="aid:630">Johann</elirlink> transfurmà la pastizaria dals C. a Riga en ina gronda interpresa da fam. cun in negozi da vin ch'ha existì fin il 1909. Il 1805 ha quest rom laschà construir a la Via Masans a Cuira ina gronda chasa cun sulom, numnada Zur Stadt Riga, suenter la renovaziun da quella (1860) Rigahaus. Il 1923 è ida questa chasa, che serviva als C. da residenza per la vegliadetgna, en possess dal chantun Grischun ch'ha transfurmà ella il 1924 en ina chasa d'attempads (oz center per seniors cun servetsch da tgira ed assistenza). La fam. C. da Riga è sa parentada cun impurtantas fam. da cussegliers da la citad da Cuira, sco ils Beners, Bernhards e Dalps. Il rom da Ziràn-Reschan n'exista betg pli en Svizra. <elirlink href="aid:626">Anna Augusta</elirlink>, oriunda da Ziràn, è stada ina propugnatura en il cumbat per meglras cundiziuns politicas e privatas en favur da las dunnas. Il famus actur american James u Jim («La passiun da Cristus», 2004) è in sutbiadi da Pieder Antoni (* 1882), oriund da Vrin, domicilià a Pruastg/Lumbrein ed emigrà il 1906 en ils Stadis Unids da l'America. Tarcisius, elegì cuss. naz. il 2007 (PLD), è burgais da Vrin.<br /><br /><br /></p> Archiv: Ovras: Funtaunas: Litteratura: Bühler, Bündner im Russischen Reich; LQ, 5-11-2004. Roman Bühler  Cavelty, Luregn Mathias Caviezel, Anna Augusta  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: