e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Commerzi da sal Condrau, Augustin  Condrau Schlatta grischuna da la Cadi, attestada enturn il 1500 a Breil e Lags, tr.a. cun il num Coray. Gion Fidel, da Tujetsch, è sa domicilià a Mustér il 1803 ed è stà l'emprim represchentant da la fam. ch'è daventà mastral da la Cadi il 1814. Ses figl il pli vegl, <elirlink href="aid:655">Augustin</elirlink>, ha fundà la lingia dals medis, a la quala appartegna era <elirlink href="aid:658">Gion</elirlink>. L'emprim figl dad Augustin, cun il medem num (1846-1928), è stà medi e pres. dal Cussegl grond (1903) ed ha laschà construir l'Hotel Disentiserhof. Il figl il pli giuven da Gion Fidel, <elirlink href="aid:661">Placi</elirlink>, ha fundà il 1856 la Stamparia C. e la «Nova Gasetta Romonscha» («<elirlink href="aid:1114">Gasetta Romontscha</elirlink>») ch'è passada suenter sia mort il 1902 a <elirlink href="aid:657">Giachen Giusep</elirlink>, il 1922 a <elirlink href="aid:659">Giusep</elirlink>, il bab da <elirlink href="aid:660">Pius</elirlink>, exponents da la lingia dals redacturs. Sco titulars d'auts uffizis politics (mastrals, cuss. guv. e naz.) e cun la pussanza publicistica da lur gasetta e da la stamparia C., han omaduas lingias influenzà fermamain la politica dals partisans cat.-cons. dal Grischun dapi ils onns 1850/60. Ils C. han uschia pudì preparar sin il plaun publicistic la vieuta conservativa en la Surselva dal 1881, a quint dals Catolic-liberals, e francar e mobilisar l'uschen. Lavina nera. Suenter il 1970 è lur influenza politica sa diminuida. Il 1993 è la Stamparia C. passada a la Gasser SA a Cuira (actualmain: Südostschweiz Medien). <br /><br /></p> Archiv: Afam., Mustér; BCGR, geneal., ms. Ovras: Funtaunas: Litteratura: G. Gadola, Il Cumin della Cadi, en: Il Glogn, 18/1944, 31-125. Adolf Collenberg  Commerzi da sal Condrau, Augustin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: