e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Chischner Chresta, Lorenz  Chönz [-Meyer], Selina * 4-8-1910 (Selina Elli) a Samedan, † 17-2-2000 a Samedan, ref., d'Altusried (Baviera) e Samedan. Figlia dad Anton Marcellus Meyer, stampadur, e da Marie Louise n. Ronzi, da Samedan. &#8734; 1939 <elirlink href="aid:3443">Iachen Ulrich Könz</elirlink>. Scolaziun da mussadra a Berna. Segiurns linguistics a Losanna ed Oxford. C. è daventada enconuschenta tras il cudesch d'uffants «Uorsin» (1945, illustrà dad Alois Carigiet) che tematisescha l'usit dal Chalandamarz celebrà la primavaira en l'Engiadina e ch'è vegnì translatà en numerusas linguas (tr.a. en englais e giapunais). Autura da div. ulteriurs cudeschs d'uffants, p.ex. «Flurina» (1952) e «La naivera» (1957) sco era dals raquints «La chastlauna» (1940) ed «Il purtret da l'antenat» (1943) e da las novellas «La scuvierta da l'orma» (1950). Il stil da raquintar da C. è caracterisà d'ina ferma tipologisaziun popular-litterara da las figuras.<br /> </p> Archiv: Ovras: BR, nrs 1340-54. Funtaunas: Litteratura: V. Bodmer-Gessner, Die Bündnerinnen, 1973, 126; Bezzola, Litteratura, 488 s.; Rumantscheia, 1979, 104-21; Deplazes, Funtaunas 4. Clà Riatsch  Chischner Chresta, Lorenz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: