e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Conrad, Hans Conrad, Paul  Conrad, Mattli [Matthias Conradi] * 15-1-1745 ad Andeer, † 26-12-1832 ad Andeer, ref., dad Andeer. Figl da Frederic, mastral, e da Duscha n. Cantieni, da Pignia. &#8734; Christine n. Sprecher (von Bernegg), da Tavau, figlia da <elirlink href="aid:2508">Georg Sprecher (von Bernegg)</elirlink>. Furmaziun al Carolinum a Turitg 1764-66. Ordinà 1766, preditgant ad Andeer 1767-99 e 1804-28, Serneus 1801-03 e Maton 1803-04. Autur da cudeschs da scola rum., p.ex. d'in «Extract da la historia da la vitt'a character da Nies Senger Jesu Christi» (1783), da «Canzuns spiritualas cun melodias» (1784, 1825²) e da litteratura edifitganta. C. è vegnì deportà dal 1799-1801, ens. cun P. Placi a Spescha e.a., a Puntina ed a Graz, nua ch'el è sa deditgà a la filologia rumantscha. Il 1820 è cumparida sin iniziativa da Johann Gottfried Ebel e da Wilhelm von Humboldt sia «Praktische deutsch-romanische Grammatik [...]», il 1823 il «Dictionar (Lexicon) da tasca dilg linguaig romansch-tudesc» ed il 1828 il «Taschenwörterbuch der Deutsch-Romanischen Sprache». Comm. da la Societad economica dal Grischun e collavuratur da «Der Neue Sammler» a partir dal 1804.<br /><br /></p> Archiv: Ovras: BR, nrs 1499-1506. Funtaunas: Litteratura: G. Conrad, Ser Mattli C. (Conradi), il giuven, 1745-1832, en: Annalas, 45/1931, 264-300; Bedeutende Bündner 1, 327-30; Bezzola, Litteratura, 263, 322 s.; Deplazes, Funtaunas 2. Adolf Collenberg  Conrad, Hans Conrad, Paul  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: