e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Conrad, Paul Conradi, Matthias  Conrad, Thomas (von Baldenstein) * 28-1-1784 a Baldenstein (vischn. da Seglias), † 14-9-1878 a Baldenstein, ref., da Seglias. Figl da  <elirlink href="aid:666">Francesco</elirlink>. &#8734; Clara n. Cantieni, da Castasegna. Scolas a Baldenstein ed al Seminari (philanthropin) a La Punt/Rehanau. Stud.iur. ad Erlangen 1801-03 (senza diplom), alura administratur dal bain da famiglia a Cavaglietto (Piemunt). Entrada en il regiment grischun da Christ en servetsch da la Sardegna ch'el ha bandunà il 1816 sco chapitani. Sco administratur dals bains da fam. a Baldenstein ed a Clavenna è C. sa deditgà a la chatscha ed a las scienzas natiralas. Daventà "bab da l'ornitologia alpina dal Grischun" sco autur da numerusas publicaziuns, tr.a. era da l'emprima descripziun dal maset da muntogna (<em>Parus montanus Conrad</em>, 1827) e dal maset da palì chalv (<em>Parus palustris communis Baldenstein</em>). Da C. deriva era il num generic "Hippolais" (beffegiader). Il manuscrit da l'ovra incumpletta «Die Vögel Graubündens» sco era sia ovra principala, intitulada «Der Vogelbauer nebst Anmerkungen [...]» (publ. 1981), che cuntegna 83 tavlas cun aquarels, sa chattan en l'Archiv chant. grischun. Sco apicultur ha C. introducì l'avieul alpin tal. en il Grischun. Comm. d'onur da numerusas societads per la perscrutaziun da la natira activas en Svizra ed a l'exteriur sco era da quella dal Grischun a partir dal 1858 (confundatur).<br /> <br /> </p> Archiv: Ovras: Funtaunas: Litteratura: P. Fravi, Thomas C. von Baldenstein, en: Der Vogelbauer, 1981, XI-XIX (bibliogr. cumpletta, 353-55). Jürg P. Müller  Conrad, Paul Conradi, Matthias  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: