e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Conradi, Moritz
* 21-5-1831 ad Andeer, † 11-10-1887 a Berlin (durant in viadi da fatschenta), ref., dad Andeer. Figl da Johann e da Margareta n. Fravi, dad Andeer. ∞ 1855 Sophie Juliana n. Nehrnst, da Narva (Estonia). Emigrant, pastizier a Helsinki e Narva. Il 1857 ha C. fundà a S. Petersburg ina fabrica da tschigulatta ch'è daventada la pli gronda interpresa da quest gener en Russia (1879 60 lavurers; 1898 260). Filialas da distribuziun a S. Petersburg e Moscau. Il 1887 ha C. fundà prob. l'emprima fabrica da schelatina da la Russia. Ses figls Viktor e Moritz han manà vinavant l'interpresa fin a la transfurmaziun da quella en ina proprietad statala (1918). Ils C. èn stads donaturs impurtants dal Hülfsverein dals Svizzers a S. Petersburg ed han era rimnà daners per reconstruir vischnancas donnegiadas en il Gischun, tr.a. il 1864 per Valchava (inundaziun) ed il 1885 per Ftan (incendi).</p>
Archiv:
Ovras:
Funtaunas:
Litteratura:
A. Gattiker, L'affaire C., 1975; Bühler, Bündner im Russischen Reich, 259 s., 388 s., 449.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Conradi, Matthias