e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Amstein, Johann Georg
* 11-11-1744 a Hauptwil/TG, † 18-2-1794 a Zezras, ref., prob. da Wila/ZH. Figl da Hans Jakob, chirurg sin la champagna. ∞ 1775 Hortensia, sora dad <elirlink href="aid:2335">Ulysses von Salis-Marschlins</elirlink>. Emprendissadi da chirurg tar il bab, lavurant diplomà superiur a Turitg 1761. Furmaziun en anatomia, fisiologia e chirurgia. Studis da botanica e medischina a Tubinga 1766-69. Medi a Hauptwil 1769. Il 1771 al cloma Ulysses von Salis sco medi da chasa e magister d'istorgia natirala al Filantropin a Marschlins. A. daventa alura medi a Zezras (1779-94) e s'occupa da l'economia naziunala. Fundatur da la Societad dals amis da l'agricultura en il Grischun 1778. Editur da la revista da l'emna «Der Sammler» (cumponida 1779-84). Autur d'ina apologia dal Grischun en l'affera <elirlink href="aid:2417">Friedrich Schiller</elirlink>. Studi d'obstetrica (agid a pagliolancas) a Paris 1784. Medi al bogn da cura a Faveras 1787. Numerus tractads en scienza natirala ed occupaziun cun il mesmerissem (ductrina da la forza curativa dal magnetissem) ch'el ha dentant refusà. Sco tipic represchentant da l'Illuminissem aveva A. ina brama da savair insaziabla ed in grond entusiassem per incumbensas d'utilitad publica. L'excellent diagnosticher e terapeut vala sco in dals medis ils pli impurtants da ses temp en il Grischun.</p>
Archiv:
ASGR, relasch.
Ovras:
Funtaunas:
Litteratura:
J. Gartmann, Johann Georg A. (1744-1794), 1956.
Constant Wieser
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Amstein