e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Currier d'uiara Curtin d'onur da la Lia Grischa  Curti, Notker * 13-10-1880 (Karl Franz Adalbert) a Rapperswil/SG, † 4-9-1948 a Rapperswil, cat., da Rapperswil. Figl dad Alfons, medi, e da Stephanie n. Müller, d'Altdorf/UR. Instrucziun tar ils gesuits a Feldkirch. Profess OSB a Mustér 1903, ordinà il 1906. Studi da scienzas natiralas a Friburg 1906-09. Magister da matematica, istorgia, istorgia d'art e dissegn a la Scola claustrala Mustér. Custos a partir dal 1915. C. ha participà a moda decisiva a la restauraziun da la baselgia claustrala. El ha fundà e conservà la collecziun istoric-culturala da l'abazia ed ha publitgà var 40 texts davart l'istorgia d'art, l'art textil («Kreuzstich- und Filetmuster aus Graubünden», 1927), usits religius («Volksbrauch und Volksfrömmigkeit im katholischen Kirchenjahr», 1947), o.t. da la Surselva. Dr.h.c. da l'Univ. da Friburg 1944.<br /> </p> Archiv: Ovras: Die rätischen Kirchen des Stiftes Disentis, 1921; Im Bündner Oberland: Land und Leute der Cadi, [1940]. Funtaunas: Litteratura: R. Henggeler, Professbücher der Benediktinerabteien St. Martin in Disentis [...], 1955, 101-04 (cun reg. d'ovras). Daniel Schönbächler  Currier d'uiara Curtin d'onur da la Lia Grischa  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: