e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Dardin Darms, Gion  Darms, Flurin * 13-11-1918 a Flond, &#10013; 18-10-2009 a Domat, ref., da Flond. Figl da Giuli, pur, e da Barla n. Caduff, da Flond. &#8734; Anna n. Baumann, figlia dad Alfred, funcziunari da posta, da Hirzel/ZH. Gimnasi a Cuira, alura stud.teol. a Turitg. Recepì en la Sinoda 1945. Plevon a Puntraschigna 1946-54, alura a Trin fin il 1968 ed a Domat fin il 1983. Autur da poesias, raquints, texts dramatics, biografias, translaziuns e lavurs editorialas (p.p. sut il pseudonim Fra Urtgic). Sias poesias èn cumparidas per l'emprima giada il 1960 en «Pervesiders jeu e ti», alura en trais ulteriuras collecziuns da poesias, edidas tr. il 1968 ed il 1986. Il 1972 ha D. publitgà la novella «Sut il Pinut», il 1985-86 sias «Raquintaziuns» (2 ts). Redactur da la part surs. dal «Calender per mintga gi» (1960-79). In dals motivs centrals en la prosa narrativa da D. è la tensiun tr. ils giavischs da l'individi e las pretensiuns da la societad, tr. las normas vesaivlas ed il misteri da la vita. Intginas da sias poesias èn vegnidas messas en musica da Gion Antoni Derungs e da Conrad Bertogg. Premi Schiller 1962 e 1974.</p> Archiv: Ovras: BR, nrs 1961-64. Funtaunas: Litteratura: Camartin, Gegenwartsliteratur, 67-102; Bezzola, Litteratura, 588-94, 716-22; Deplazes, Funtaunas 4. Lucia Walther  Dardin Darms, Gion  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: