e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Degen Demarmels, Madlaina  Demarmels, Ludwig * 4-9-1917 (Ludwig Anton) a Stierva, † 21-7-1992 a Romanshorn/TG, cat., da Salouf. Figl da Peider Anton (Tona), scolast, e dad Anna Margarita n. Candreia, da Stierva. Domicil a Tavau 1921. Emprendissadi da pictur da decoraziun a Zofingen/AG 1933-37. Return a Tavau 1937, agen atelier 1947-68. Emprims maletgs 1937 («Igl pour cun la vatga»). Domicil a Romanshorn 1951, pictur artist da professiun a partir dal 1968. Objects e temas preferids: cuntradas muntagnardas, lur avdants ed animals, usits e ditgas. D. ha applitgà las pli differentas tecnicas e div. materials. Menziun spez. tranter sias ovras muralas enconuschentas en il Grischun meritan «Las davosas tgoras» (Stierva, 1971) e «Fitgira da posta cugl asen» (Bogn d'Alvagni, 1973). Numerusas exposiziuns. Atelier-Galerie Ludwig D. (dapi il 1992) a Romanshorn, nua ch'il pictur è vegnì undrà cun ina Ludwig-Demarmels-Strasse. Campiun svizzer en sigl cun skis 1940 e 1946. Dubel da Luis Trenker en il film «Liebesbriefe aus dem Engadin» (1938).</p> Archiv: Ovras: Funtaunas: Litteratura: M. Tobler, Ludwig D., 1987. Adolf Collenberg  Degen Demarmels, Madlaina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: