e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Conrad, Georg Conrad, Hans  Conrad, Giachen * 15-11-1882 ad Andeer, † 21-1-1956 a Turitg, ref., dad Andeer. Figl da Christian, pur, e da Verena n. Cadosi, dad Andeer. Scola chant. a Cuira (partiziun da commerzi). Emploià da posta, adjunct da la direcziun da la posta 1939-47. Acquist d'enconuschientschas dal rumantsch. Comm. da l'Uniun Rumàntscha da Schons. Promotur engaschà da la lingua e cultura rumantscha. Il 1919 ha C. rendì attent en in artitgel publitgà en la «Neue Bündner Zeitung» sut il titel "Kassandrastimmen vom Hinterrhein" als privels imminents da la germanisaziun ed ha pretendì dals Rumantschs cuntramesiras energicas e rad. ed in agir metodic e planisà. Ses appel fervent ha effectuà ils 26-10-1919 la fundaziun da la Lia Rumantscha, da la quala C. è stà l'emprim pres. 1919-45. Undrà cun il Curtin d'onur da la LG a Trun.<br /><br /></p> Archiv: Ovras: Funtaunas: Litteratura: Cal. p. mintga gi, 1957, 138 s. (cun fotogr.); G. Lechmann, Rätoromanische Sprachbewegung, 2005. Adolf Collenberg  Conrad, Georg Conrad, Hans  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: