e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bündner Tagblatt (BT) Bungar, Gregor  Bündner Zeitung (BZ) L'emprima BZ (rum.: «Gasetta Grischuna»; pop.: «La Grischuna»), da tendenza lib. moderada, è vegnida fundada il 1830 dal tipograf Simeon Benedict e publitgada fin il 1858. Independentamain da quella ha Friedrich Manatschal inizià il 1877 il «Bündner Volksblatt», fegl liberal edì da la Stamparia Christian Senti fin il 1889, precursur da la «Neue Bündner Zeitung» (rum. «Nova Gasetta Grischuna»), fundada il 1892. La «Neue Bündner Zeitung», ch'è daventada la gasetta la pli impurtanta dal Grischun en il decurs dals onns 1920, è ida il 1955 en possess da la societad collectiva Gasser &amp; Eggerling (pli tard Gasser SA). Ella è stada l'emprim portavusch da la PD ed è alura, suenter la schliaziun da quella il 1971, daventada independenta. La «Neue Bündner Zeitung» ha pudì augmentar cuntinuadamain sia ediziun grazia ad in schurnalissem da retschertga modern ed al svilup da la part regiunala. Il 1975 è ella daventada la BZ (cun integraziun dal «Freier Rätier»), dapi il 1997 cumpara ella sco ediziun regiunala grischuna sut il num «Südostschweiz» (SO). Il 2007 dumbrava questa ediziun regiunala ca. 35'700 exemplars.<br /><br /></p> Archiv: Ovras: Funtaunas: Litteratura: Metz, Graubünden 1, 450-55; Foppa, Deutschsprachige Presse, 7-32. Ernst Bollinger  Bündner Tagblatt (BT) Bungar, Gregor  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: