e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Calanda Calandrinus, Scipio  Calanda Bräu Num adoptà il 1971 da la Rhätische Aktienbrauerei, resortida il 1902 da la fusiun da duas bierarias da Cuira. Questa societad aveva acquistà successivamain tut las bierarias independentas dal Grischun. Il 1953 ha ella diversifitgà, en collavuraziun cun la Rätia Getränke AG, sia offerta cun bavrondas senza alcohol ch'han superà suenter il 1980 la producziun da biera (ca. 200'000 hl). Il 1989 è naschida la gruppa Calanda Haldengut da la fusiun parziala cun la bieraria Haldengut a Wintertur. Il 1993 èn la Calanda Bräu e la Haldengut passadas sut la controlla dal concern da biera Heineken ad Amsterdam. Uschia è la Calanda Bräu daventada ina holding cun sedia a Cuira e cun societads affiliadas en il sectur da la gastronomia e d'immobiglias, en possess da la biereria Haldengut Wintertur (46.8%) e da Heineken (35.8%). Oz appartegna la Calanda Haldengut quasi a 100% a l'interpresa Heineken e n'è betg pli quotada a la bursa.<br /><br /></p> Archiv: Ovras: Funtaunas: Litteratura: NBZ, 20-6-1980 (suppl. da giubileum); Rapp. da gestiun, 1994. Max Hilfiker  Calanda Calandrinus, Scipio  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: