e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cellario, Francesco Centrala grischuna da dunnas  Centena Num per in district administrativ dal temp francon ed otton. L'onn 960 ha l'imp. Otto I regalà la regiun da Cuira e conturns, numnada Centena, sco era las entradas da quella a l'uvestg da Cuira. Attestà sco <em>centena et scultatia</em>, sa referescha il district da Centena ad ina unitad administrativa dals Francs, sco quai ch'ella cumpara en l'«Urbari curretic dals bains imperials» da ca. l'onn 840. Là presidiava il cuvitg (<em>sculdhaizo/scultatio</em>) in district administrativ (<em>ministerium</em>). Ni <em>centena</em> ni <em>scultatia </em>n'èn dentant sa fatgs valair sco noziuns en la Currezia. Igl è da supponer ch'ils tschains, pretendids da la glieud da la Centena en il contadi da Cuira, concernevan ils Libers. Quels eran prob. identics cun ils purs libers, numnads <em>quadrarii </em>e <em>quartani</em> tenor ils regals ottons a l'uvestg da Cuira; cun las quadras tributaras, introducidas en il 10. tsch., han els obtegnì ina nova furma organisatorica. Il connex cun ils Libers resulta era dals toponims dal tip Tschentanera che derivan da Centena e ch'ins chatta o.t. en lieus cun populads da Libers en il temp medieval (Sumvitg, Sevgein, Flem, euv.).<br /><br /></p> Archiv: Ovras: Funtaunas: BUB 1-3. Litteratura: O.P. Clavadetscher, Rätien im Mittelalter, edì dad U. Brunold, L. Deplazes, 1994. Martin Bundi  Cellario, Francesco Centrala grischuna da dunnas  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: