e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Chalenders Champatsch  Chaminada Local cun in chamin. L'onn 765 èn doc. <em>caminatas</em> a Sagogn, Breil, Ruschein, v.d. locals stgaudabels che faschevan part da la chasa signurila. Significaziun moderna: local da provisiuns, local annex. La chaminada vegniva duvrada fin en il 16. tsch. a medem temp sco local da provisiuns e sco local stgaudabel, alura mo pli per provisiuns. En il 8. tsch. sa chattava la chaminada per part al plaun terren sper la cuschina e la stiva, per part a l'emprim plaun. En il temp medieval tardiv cumpara ella sco chasetta da crap isolada, mintgatant sco magasin da dieschmas (graner). Il cas normal è però la chaminada integrada. La<em> caminata vel stupa</em>, menz. il 1298 a Cuira, cumprova che la chaminada stgaudabla era identica cun la stiva. Caracteristic per la veglia chaminada eran ils mirs da crap e l'arvieut che la rendeva segira cunter incendis e laders. Oz vegn ella construida era en lain. Il term cumpara era en nums da fam. (Caminada/Vrin) ed en toponims che renvieschan als graners isolads.</p> Archiv: Ovras: Funtaunas: BUB 1-3. Litteratura: DRG 3, 220-23. Martin Bundi  Chalenders Champatsch  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: