e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  CRR Crusch  Cruara Num utilisà en il temp medieval tardiv en las regiuns e citads suveranas da l'Italia dal Nord per designar il Grischun dal Nord. Il term Cruara (era Cruala, Crualla, pli vegl Curvala) deriva da <em>Churwalcha</em> (Curvalda) che sa cumpona da Chur e Wal(a)ha, v.d. il pajais dals Walchen u Walen, derivat dal term tud. vegl Walh, v.d. Welsch, avdant da l'intschess curretic-rumantsch. Gia il 1323 è attestà a Vaniescha in <em>Bernardus de Cruaris</em>. Da la furma secundara <em>Curwalia</em>, doc. il 1095, deriva era il num Curaglia, in aclaun en la Val Medel. <br />Per ils Alemans, Bavarais e Langobards eran ils Rumantschs da la Raetia prima glieud da Curwalha u Churwalhen, pli tard era ils Rumantschs da l'uvestgieu da Cuira. Lur lingua numnavan els churwälsch (da là il term tud. Kauderwelsch, v.d. lingua nunchapibla, manglusa, influenzà dal tud. kaudern, bagliaffar). En il dialect lumbard alpin da la Val dal Blegn signifitgava Cruara la patria dals Rumantschs da la Val dal Rain Anteriur. Fin en il 20. tsch. han utilisà ils da la Val dal Blegn e da la Leventina il pled Cruaron (plural Cruaroi) per in Sursilvan e Cruarina per ina dunna da la Val Medel. <br /><br /></p> Archiv: Ovras: Funtaunas: Litteratura: DRG 4, 278. Martin Bundi  CRR Crusch  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: