e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cussegl d'educaziun Cussegl da sanitad  Cussegl da guerra La Republica da las Trais Lias na possedeva nagina suveranitad militara. Quella exercitavan ils cumins ch'elegevan il landsobrist ed ils bundsobrists (manaders militars suprems). In reglament militar impegnativ aveva mo Cuira. En cas d'ina guerra imminenta vegniva attribuì als chaus-lia in cussegl consultativ (birot/Beirat) d'auts uffiziers, recrutads da las singulas Lias. Quel aveva dentant mo cumpetenzas logisticas. Avant la dismessa da la Dieta fed. da las Lias existiva in cussegl da guerra che consistiva da trais colonels, trais litinents colonel e trais maiors. Quels contractavan ens. cun ils trais chaus-lia. L'oct. 1798 ha il general austr. Auffenberg surpiglià quest cussegl ed incaricà quel d'organisar in'armada grischuna. Durant la Helvetica è l'organisaziun militara vegnida centralisada. Tr. il 1815 ed il 1851 sa cumponiva il cussegl da guerra d'in president (colonel chant.), dus cussegliers da guerra, in secretari e trais suppleants. A partir dal 1852 ha la Regenza surpiglià la direcziun militara.</p> Archiv: Ovras: Funtaunas: Litteratura: F. Pieth, Aus der Geschichte des bündnerischen Milizwesens, en: JHGG, 1934, 97-176. Adolf Collenberg  Cussegl d'educaziun Cussegl da sanitad  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: