e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Derschader da pasch Derungs, Gion Giusep  Derungs, Gion Antoni * 6-9-1935 a Vella, cat., da Vella. Figl da Wolfgang e da Heinrica n. Sialm, da Mustér. &#8734; Susy n. Dicht. Gimnasi a Mustér, alura studi al Conservatori da Turitg; promovì da ses aug, il cumponist <elirlink href="aid:2470">Duri Sialm</elirlink>. Directur da musica a Lichtensteig 1960-62, magister al Seminari scolastic a Cuira 1962-99, organist a la catedrala da Cuira 1962-2002. Dapi il 1968 coproducent da la retscha da plattas fonograficas «Canzuns popularas». Il 1971 ha D. fundà il Quartet Grischun che interpretescha o.t. musica moderna (dirigent fin il 1993). En ils onns 1960 è el s'occupà intensivamain da l'avantgarda (György Ligeti). Dapi ils onns 1970 sa deditgescha D. en sia vasta ovra musicala pli fitg al linguatg tonal e sa lascha inspirar pli e pli da la musica populara rumantscha. Cun sia opera «Il Cerchel magic» (1984) ha el rinforzà la conscienza da la cuminanza culturala rumantscha. Autur da passa 400 cumposiziuns: sinfonias, operas, ovras vocalas, concerts instrumentals ed auter. Menziun onurifica a la concurrenza internaz. da cumposiziun (Oscar Espla), Alicante, 1970. Premi grischun da cultura 1996 e premi da l'uvestg da Cuira (Pro arte christiana) 1998.</p> Archiv: Archiv fonografic RTR, Cuira. Ovras: Funtaunas: Litteratura: V. Hendry, Gion Antoni D., en: Cal. Rom., 1991, 49-109; Komponisten der Gegenwart, 1992; Schweizer Komponisten unserer Zeit, 1993³, 95 s.; S. Derungs, Gion Antoni D.: catalogo delle opere, 1996; Die Musik in Geschichte und Gegenwart, part da persunas, t. 5, 2001<sup>2</sup>, 848 s. (cun reg. d'ovras); LTS, 457 s. Pio Pellizzari  Derschader da pasch Derungs, Gion Giusep  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: