e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ditgas Dolf, Johann Richard  Dolf, Benedetg * 13-8-1918 a Ziràn-Reschen, † 5-8-1985 ad Aschera, ref., da Maton. Figl da <elirlink href="aid:868">Tumasch</elirlink>. &#8734; Trudi n. Briner, da Wintertur. Gimnasi a Cuira. Instrucziun da clavazin tar ses bab. Stud.teol. e da teoria da musica a Turitg. Ordinà il 1943, plevon a Valendau e Sagogn 1943-48, alura cuntinuaziun dal studi da musica a Turitg (tar Paul Müller e Czes&#322;aw Marek) ch'el terminescha cun il diplom per musica da scola e da pianist da concerts. Magister auxiliar 1949, alura magister principal da clavazin ed orgla al Seminari scolastic a Cuira 1957-82. Sias cumposiziuns, influenzadas dal neoclassicissem franz. e da la chanzun populara rum., cumpiglian musica per gieus festivs («150 onns scola chantunala», 1954; «Val sainza stelas», 1958), pitschnas ovras per orchester, musica da chombra, clavazin, film e gieus auditivs. Ils chantadurs enconuschan D. surtut sco cumponist da numerusas chanzuns religiusas per orgla e da chanzuns en tudestg e rumantsch per chors d'uffants e da creschids. D. ha era collavurà a l'ediziun da differents cudeschs da chant, tr.a. a la nova ediziun dal cudesch da chorals ref. per la Surselva. Premi da renconuschientscha dal chantun Grischun 1980.</p> Archiv: ASGR, relasch musical. Ovras: BMVR, nrs 918-28. Funtaunas: Litteratura: BJb, 1986, 151 s. Kurt Wanner  Ditgas Dolf, Johann Richard  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: