e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Donatz [Donats, Tonatsch, Tonnatz], von Dongo  Donatz [Donaz, Tonatz], Conradin von * 11-12-1677, † 8-2-1750 a Seglias, cat., da Seglias. Figl da Peter, mastral a Farschno e guvernatur en Vuclina 1705-07, e da Dorothea n. Beeli von Belfort, da Vaz. &#8734; Ursina Paravicini n. de Capelli, da Segl. Servetsch militar franz. a partir dal 1709, participà cun in regiment bernais a trais campagnas militaras en Sicilia. Maior 1729, litinent colonel 1732. Il 1733 è D. entrà sco colonel e possessur d'in regiment en servetsch piemuntais. Brigadier 1735, maior general 1737. Suenter ina greva blessura è el sa retratg il 1744 cun ina pensiun annuala da 5'000 glivras a Seglias, nua ch'el ha laschà construir il 1740 il Palazzo, la chasa burgaisa la pli impurtanta da la Tumleastga en sia concepziun generala. Las salas cun stuccaturas ed il curtin en stil baroc cun sias terrassas e ses pavigliuns èn da tempra taliana.<br /><br /></p> Archiv: ASGR. Ovras: Funtaunas: Litteratura: Schweizerisches Geschlechterbuch 9, 1953, 46; Sprecher/Jenny, Kulturgeschichte, 244, ann. 25; Marca/Santi, Iconografia, 130, 139; R. Hartmann, Ein Palast für die Bürger, en: TG, 2003, nr 6, 76-79. Martin Bundi  Donatz [Donats, Tonatsch, Tonnatz], von Dongo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: