e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Dorfmann, Johannes Dorta, Jachen  Dorno, Carl * 3-8-1865 a Königsberg (Prussia, oz Kaliningrad, Russia), † 22-4-1942 a Tavau, Tudestg, da Königsberg, a partir dal 1924 burgais d'onur da Tavau. Figl da Carl, commerziant a l'engrossa, e dad Emma n. Lehnhard. &#8734; 1891 Erna n. Hundt, da Hamburg. Suenter studis d'economia e giurisprudenza, ha el surpiglià il 1891 la chasa da commerzi da ses bab. Studi da scienzas natiralas a las universitads da Halle e Königsberg (1899), promoziun en chemia (1904). Il medem onn ha el prendì domicil a Tavau per laschar curar sia suletta figlia da la tuberculosa. Fundatur (1907), directur ed administratur da las finanzas (fin il 1926) da l'Observatori fisical-meteorologic a Tavau, integrà pli tard en l'Institut per fisiologia autalpina e perscrutaziun da la tuberculosa (oz Institut svizzer da perscrutaziun per il clima autalpin e per medischina). D. vala sco il fundatur da la climatologia da radiaziun; el è s'engaschà fermamain per l'applicaziun da sias enconuschientschas en la medischina. Il 1917 ha la Regenza prussiana accordà ad el il titel da professer; dr.med. h.c. da l'Univ. da Basilea 1922.</p> Archiv: Ovras: Funtaunas: Litteratura: W. Mörikofer, Prof. Dr. phil. et med. h.c. Carl D., 1865-1942, 1942 (cun reg. d'ovras). Claus Fröhlich  Dorfmann, Johannes Dorta, Jachen  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: