e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Escher, Arnold (von der Linth)
* 8-6-1807 a Turitg, † 12-7-1872 a Turitg, ref., da Turitg. Figl da Hans Conrad, il "bab da la correcziun da la Linth" ed autur da numerus panoramas ed aquarels da cuntradas grischunas. ∞ Bina (Sabina) n. de Latour, sora dad <elirlink href="aid:1511">Alois de Latour</elirlink>. Studi da geologia a Genevra, Berlin e Halle 1825-29. Docent privat da mineralogia e geologia a l'Univ. da Turitg, sco tal activ il 1834-35 sco expert suenter las inundaziuns desastrusas en las Alps svizras. Prof. da geologia al Politecnicum da Turitg 1856. E. è stà, ens. cun Bernhard Studer, l'emprim a perscrutar sistematicamain la geologia da las Alps svizras e da las regiuns cunfinantas (stratigrafia, glatschers). El è s'engaschà per la protecziun dals guauds da muntogna, per reimplantaziuns (p.ex. il guaud da S. Carli a Morissen il 1874), per il meglierament da l'economia forestala ed alpestra ed o.t. per l'arginaziun dals torrents. Comm. d'onur da la Societad grischuna per la perscrutaziun da la natira. Tavlas commemorativas tar la Punt Russein/Sumvitg, a Crusch/Breil ed a Giatreis/Morissen.<br /><br /></p>
Archiv:
ASGR, B 463, 500, 2006; BSPF, relasch
Ovras:
Geologische Karte der Schweiz, 1853 (ens. cun B. Studer).
Funtaunas:
Litteratura:
O. Heer, Arnold E., 1873; Die ersten Panoramen der Alpen, 2002; LQ, 17-12-2002; I. Berther, La tabla emblidada, en: Annalas, 116/2003, 109-37.
Sybille Franks
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Erni [Aerni, Arni], Ulrich