e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Badrutt, Caspar Badrutt, Peter Robert  Badrutt, Johannes * 2-4-1819 a Samedan, † 1-11-1889 a S. Murezzan, ref., da Pagig. Figl da Johannes, impressari e commerziant da ferramenta. &#8734; Maria n. Berry, da Cuira, sora da <elirlink href="aid:325">Peter Robert Berry</elirlink>, medi da cura a S. Murezzan. Suenter l'emprendissadi a Cuira e Clavenna ha B. lavurà en l'interpresa dal bab ed ha manà l'Hotel A la vue du Bernina a Samedan. Fittanza (1855) ed acquist (1858) da la pensiun Faller a S. Murezzan. B. ha transfurmà questa pensiun sut il num Hotel-Pension Engadiner Kulm en in dals hotels da luxus ils pli impurtants da la Svizra ed ha mess, tras in acquist da terren planisà, la basa per in vair imperi d'hotels da sia fam. a S. Murezzan. Il 1882 era B. il segund grond possessur da terren dal lieu. Il 1878/79 ha el laschà installar en l'Engadiner Kulm l'emprim implant da glisch electrica da la Svizra. Giasts britannics han contribuì considerablamain a la fluriziun da ses hotel e dal lieu da sport S. Murezzan ed han introducì là il tennis, il curling, il bobsleigh, il skeleton ed il golf. Il self-made man B. è era daventà enconuschent sco collectader d'art e benefactur.<br /><br /><br /></p> Archiv: Ovras: Funtaunas: Litteratura: S. Margadant, M. Maier, St. Moritz, 1993. Silvio Margadant  Badrutt, Caspar Badrutt, Peter Robert  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: