e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Flugi, Johann (d'Aspermont ) Flugi, Nicolaus (d'Aspermont)  Flugi, Johann (d'Aspermont) * 13-12-1595 a La Punt-Chamues-ch, † 24-1-1661 a Cuira, cat., da S. Murezzan. Figl dad Andreas, maiordom episcopal e chapitani sin la Fürstenburg, e dad Anna n. Danz, da Zuoz. Nev da l'uvestg <elirlink href="aid:939">Johann</elirlink> (V). Studis a Mariamunt, al Collegium Helveticum a Milaun ed al Collegium Germanicum a Roma, dr.teol. a Pavia 1621. Domicellar a Cuira 1612, ordinà sacerdot il 1621, plevon a Schludern (Vnuost) 1623-30, prevost a Cuira 1630. Il 1-2-1636 è F. vegnì nominà, suenter lungas tractativas, uvestg da Cuira (Johann VI), ils 22-9-1636 ha el obtegnì l'approvaziun papala ed è vegnì consecrà dal nunzi a Muri ils 14 da december. Il 1637 ha el obtegnì las regaglias. Profitond da la consolidaziun da las relaziuns politicas en il Grischun suenter il 1639, ha F. preservà il status quo als catolics. El ha manà a fin la Refurma tridentina da la Baselgia instradada da ses aug ed ha promovì las activitads da la missiun retica dals chaputschins. <br /><br /></p> Archiv: Ovras: Funtaunas: Litteratura: HS I/1, 498 s.; Gatz, Bischöfe 1648, 118-20; A. Fischer, Reformatio und Restitutio: das Bistum Chur im Zeitalter der tridentinischen Glaubenserneuerung, 2000; Simmen, Wappen, 141-43. Pierre Surchat  Flugi, Johann (d'Aspermont ) Flugi, Nicolaus (d'Aspermont)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: