e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fondei Fontana  Fonio, Anton Christian * 27-9-1881 a Parma, † 4-4-1968 a Cuira, ref., da Samedan e Segl. Figl da Giacomo Emilio, pur. Nubil. Gimnasi a Parma e Cuira, stud.med. a Turitg, Minca e Berna. Assistent tar Hermann Sahli e Theodor Kocher, dr.med. 1911. Schefchirurg a l'ospital distr. da Langnau im Emmental 1914-44, alura chirurg a l'Ospital Lindenhof da la Crusch cotschna a Berna 1944-51 ed a l'Ospital Sand a Cuira 1952-57. Autur da numerus studis davart l'enquagliada dal sang e davart metodas per dumbrar ils trombocits. A partir dal 1918 ha F. fatg operaziuns cun transfusiuns da sang. El ha scrit genealogias per la perscrutaziun da la hemofilia, da la quala el è daventà in spezialist da renum internaziunal. Docent privat per cas chirurgics spez. 1920, prof. eo. da chirurgia generala a l'Univ. da Berna 1930. Il 1942 ha F. inventà la tecnica per conservar il sang ed il 1943 ha el introducì, sco colonel da sanitad, la transfusiun da sang en l'armada. Comm. da la cumissiun predeliberanta da l'Ospital chant. dal Grischun a Cuira (indrizs medicinals), directur dal Servetsch da donaziun da sang da quest ospital a partir dal 1952. Autur d'ina tschientina da publicaziuns, la plipart davart dumondas hematologicas. Premi Marcel-Benoist 1951. Confundatur da la Societad svizra da chirurgia 1913, confundatur e comm. d'onur da la Societad svizra da hematologia. En ils onns 1940 ha F. cumbattì cunter las ovras idraulicas projectadas al Lai da Segl. Ils davos onns da sia vita ha el passentà a Segl.</p> Archiv: Ovras: Funtaunas: Litteratura: Äskulap in Graubünden, 294; M. Meyer-Salzmann, Geschichte der Medizin im Emmental, 1979 (cun bibliogr.). Marta Meyer-Salzmann  Fondei Fontana  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: