e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Baldenstein Balletta, Alexander  Baldirun, Alois † prob. il schan. 1632. Oriund dal Fleimstal (oz Val di Fiemme/I) en il Tirol da Sid. Il 1596 è entrà B. en servetsch habsburgais. L'oct. 1621 è el avanzà sco schefcumandant da las truppas spagn. ed austr. en servetsch da l'archiduca austr. Leopold V cun 8'000 umens dal Vnuost en la Val Müstair ed ha alura occupà l'Engiadina, il Partenz, Cuira e Maiavilla (<elirlink href="aid:2803">Scumbigls grischuns)</elirlink>. Suenter la Sullevaziun dal Partenz l'avr. 1622 ha el capitulà a Cuira ed ha obtegnì libra retratga. Il sett. 1622 è B. turnà cun in regiment da 10'000 umens ed ha reconquistà en ina segunda campagna militara sanguinusa l'Engiadina Bassa, Tavau ed il Partenz. Suenter il Contract da Lindau dals 30-9-1622, ch'ha suttamess l'Engiadina Bassa e la plipart da la LDD a l'Austria, ha B. bandunà il dec. 1622 il Grischun devastà da la guerra. Ses merits militars per ils Habsburgais han prob. permess ad el d'acquistar terren en Moravia, nua ch'el è sa domicilià. Ils 30-7-1630 ha el obtegnì da l'imp. Ferdinand II il titel da barun imperial. En la memoria collectiva grischuna è B. anc oz preschent sco guerrier crudaivel.<br /><br /></p> Archiv: Ovras: Funtaunas: Litteratura: R.O. Tönjachen, Baldiron und die drei rätischen Bünde, 1930; G. Reitinger, Die Organisation der Feldzüge Erzherzog Leopolds V. gegen Graubünden 1620-1623, 1954. Marco Jorio  Baldenstein Balletta, Alexander  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: